Түгэсхэлэй шатада гараба

 - Конкурсын үедэ манай олзын хэрэг эрхилэгшэд 4 үдэрэй акселераторта хабаадаа, томо үйлэдбэринүүдтэй танилсаа, Рос­сиин мэдээжэ маркетолог Игорь Маннда һуралсал гараа. Түсэл хамгаалгын үедэ манай команда эгээ эбтэй, хүхюу байгаа, басагад бэе бэеэ анхаралтайгаар дэм­жээ, - гэжэ «Минии олзын хэрэг» түбэй захирал Станислав Брыков хөөрөө.

Мүнөө жэлэй конкурсдо Буряад Уласһаа 5 олзын хэрэг эрхилэгшэд хабаадаа: Алена Хон («Березка» гэжэ амтан эдеэнэй цех), Мария Федорова («Улыбка» кейтеринг), Любовь Биликтуева (Сэлэнгын аймагай фермер), Екатерина Гаськова (хэмэл маха­бадаар хангалгын ба ортопедиин «Салют Орто» түб) ба Анна Мас­личенко («Кумуткан» турбаза). Басагад амжалтатайгаар хүдэлжэ, Буряад ороной олзын хэрэг эрхилэлгэдэ туйлай ехэ хубитаяа оруулна.

«Бизнес-Амжалта» шан - бага ба дунда олзын хэрэг Россида хүгжөөхэ үүргэтэй түсэл юм. Мүнөө жэлэй конкурсдо бүхы ороной булангуудһаа 5000 гаран мэдүүлгэ ороо.

Үндэһэтэнэй «Бага ба дунда олзын хэрэг эрхилэлгэ» гэһэн түсэл Россиин Юрэнхылэгшэ Владимир Путинай үүсхэлээр бэелүүлэгдэнэ.