Сэрэгшэдтэ дамжуулагдаха

Алексей Цыде­нов Буряад Ула­сай Унаа тээбэри, элшэ хүсэ ба харгын ажахы хүгжѳѳлгын талаар яаман­да, Буряад Уласай Дотоо­дын хэрэгүүдэй яаманай ГИБДД-гэй Хүтэлбэридэ сэрэгэй тусхай опера­циин газар руу гүрэндэ хуряагдаһан авто-унаануу­дые дамжуулгын ёһо журам байгуулха даабари үгэбэ.

- Мүнөө гүрэндэ хуряагдаһан зөөри сэрэгэй тусхай операциин газар руу дамжуулжа болохо гэһэн журам тогтоогдоо. Сэрэгшэдээ һайн авто-уна­агаар хангаха хэрэгтэй. Ха­рин һогтуугаар автомаши­на жолоодохо гээшэ үлүү гарзатай, энээн тухай зон һайнаар бодожо үзэг, - гэжэ Буряадай Толгойлогшо хэ­лэбэ.

2023 оной хугасаада Бу­ряад Уласта харгын 1073 аюул тохёолдоо. 2022 онтой сасуулбал, энэ тоо 13,8 ху­бяар ехэ. 116 хүн наһа бараа (8,7 хубяар бага), 1460 хүн гэмтээ (16,1 хубяар ехэ).

Һогтуугаар автомаши­наар ябаһан зон 30 мян­ган түхэригэй ялада уна­ха, 1,5-2 жэлээр жолоодохо эрхэеэ хаһагдаха, үгы гэ­бэл, 15 сүүдхэ хүрэтэр хаагдаха. Һогтуугаар дахин баригдаһан жолоошодто 200-500 мянган түхэригэй яла ашагдаха, 3 жэл хүрэтэр автомашина жолоодохо эрхэ хаһагдаха, 480 часай туршада ажал хэхэ, 3 жэл хүрэтэр баалалтын ажал­да гараха, үгы гэбэл, 3 жэл хүрэтэр эрхэ сүлөөгөө хаһагдаха байна.

Хэдэн дахин харгыда ябаха дүрим эбдэһэн зо­ной авто-унаа Оросой Хол­боото Уласай гэмтэ ябада­лай хуулиин 264.1, 264.2, 264.3-дахи статьянуудай ёһоор гүрэндэ хуряагда­ха (һогтуугаар дахин авто- унаа жолоодоһоной түлөө).

2023 оной январь һараһаа Телеграм-каналда @gibdd03_bot гэһэн һогтуу жолоошод тухай нэрэеэ нюуһан мэдээсэл абадаг компьютерна программа ябуулагдаа гэжэ ГИБДД- гэй Хүтэлбэри һануулна. Энэ аргаар 450 мэдээ­сэл абтаа. Баталагдаһан мэдээсэлнүүдэй ёһоор, 38 жолоошод баригдаа. 2024 оной 3 һарын туршада 163 мэдээсэл ороо, 16 хүн ба­ригдаа