Буряад-монгол зурхай сентябриин 7-һоо 13 болотор

Сентябриин 7, гарагай 2, буряад-монгол литээр 26.

26-да айраг тараг бүрихэдэ, адуу мал һургахада, нооһыень хайшалхада, газар хахал­хада, таряа ногоо тарихада һайн. Замда гарахые, гэр байра барихые, тушаалда дэбжүүлхые, дэгэл хубсаһа эсхэхые, эд бараа, адуу мал худалдан абахые, худалдахые, аралжаа наймаа ябуулхые тэбшэхэ.

«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Амгалан тайбанай, баялигай, малгайн, гута­лай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиид­хэхэдэ, һайн үдэр.

Нохой жэлтэндэ һанаһанаа бүтээхэдэ ураг­шатай, хонин жэлтэнэй буянай гараг.

Үһэеэ абхуулхада – жаргалда.

Сентябриин 8, гарагай 3, буряад-монгол литээр 27.

27-до айраг тараг бүрихэдэ, замда гараха­да, пеэшэн табихада, газар хахалхада, таряа но­гоо тарихада, хүүр залахада һайн. Бэриин үйлэ бүтээхые, шэнэ гэр барихые, уһанай хаалта бод­хоохые, адуу малай үһэ нооһыень хайшалхые, дэгэл хубсаһа эсхэхые, эд бараа, адуу мал худал­дажа абахые тэбшэхэ.

«Бэриин» үүдэн нээгдэнэ: бэриин хэрэг үйлэдэхэгүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

Морин, могой жэлтэнэй урагшатай үдэр; хул­гана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үлзытэй.

Сентябриин 9, гарагай 4, буряад-монгол литээр 28.

28-да гал тахихада, уһанай хаалта бодхоохо­до һайн. Дэгэл хубсаһа эсхэхэдэ, эд бараа, адуу мал худалдажа абахада, худалдахада, адуу ма­лай үһэ нооһыень хайшалхада, замда гарахада, тушаалда томилходо, наһа барагшын ба бэриин үйлэнүүдые бүтээхэдэ муу.

«Үхээриин» үүдэн нээгдэнэ: хүүр залахагүй.

Харгыда гарахада, баруун зүг руу муу, бусад зүг руу гэмгүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, мо­гой жэлтэн һэргэг байхые оролдог.

Үһэеэ абхуулхада – хэрүүл аманда.

Сентябриин 10, гарагай 5, буряад-монгол литээр 29.

Нирманарати замбиһаа бурхад буужа, хүн зо­ной үйлэ хэрэгүүдые сэгнэдэг.

29-дэ дайсаниие номгодхохо, ада шүдхэр да­раха, гүү бариха, мал гаргаха, агнаха хэрэгүүдтэ һайн. Бэриин, наһа барагшын хэрэгүүдые бүтээхэдэ, тушаалда томилходо, дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдахада, аралжаа наймаа ябуулхада муу.

«Үхэлэй» үүдэн нээгдэнэ: наһа барагшын хэрэгүүдые үйлэдэхэгүй.

Энэ үдэр харгыда гарахада, баруун зүг руу муу, бэшэ тээшэ гэмгүй.

Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – һүнэһэн зайлаха.

Сентябриин 11, гарагай 6, буряад-монгол литээр 30.

Бурхан багшын дүйсэн үдэр.

30-да айраг тараг бүрихэдэ, худалдаа най­маа ябуулхада һайн. Адуу малай үһэ нооһыень хайшалхые, адуу мал хүнгэлхые, гэр барихые, дэгэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.

«Ниитын» үүдэн нээгдэнэ: суглаа зарлахагүй, шухала уулзалга эмхидхэхэгүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – хэрүүл аман дэлгэрхэ, аминда харша.

Сентябриин 12, гарагай 7, буряад-монгол литээр шэнын 1.

Шэнын 1-дэ һанаһанаа бүтээхэдэ, замда гара­хада, дэгэл хубсаһа эсхэхэдэ, газар хахалхада, та­ряа ногоо тарихада, ургаса хуряахада, эд бараа, адуу мал худалдан абахада, худалдахада, шэнэ гэр бодхооходо, худаг малтахада һайн. Адуу ма­лай үһэ нооһыень хайшалхагүй, хүнгэлхэгүй, хүүр залахагүй, модо тайрахагүй.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – наһан хорохо.

Сентябриин 13, гарагай 1, буряад-монгол литээр 2.

2-то айраг тараг бүрихэдэ, эмнэлгэ эхилхэдэ, хубсаһа хунар эсхэхэдэ, барилга эхилхэдэ, пеэ­шэн табихада, газар хахалхада, таряа ногоо тари­хада, эд бараа, адуу мал худалдан абахада һайн. Адуу малай нооһыень хайшалхые, адуу мал хүнгэлхые, замда гарахые тэбшэхэ.

«Наймаанай» үүдэн нээгдэнэ: олзын хэрэг эрхилхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Энэ үдэр амгалан тайбанай, эдеэ унданай, ба­ялигай, адуу малай хэшэг даллага абахада һайн.

Луу жэлтэнэй урагшатай, һайн гараг.

Үһэеэ абхуулхада – үбшэндэ, хэрүүл аман­да.

Жаргал лама ДУГДАНОВ бэлдэбэ