Ниигэм 3 jun 2020 356

​​Буряад Уласай Аха аймагта - ойн баярай бэлэг

Сорогой hоёд угсаатанай интернат-һургуулиин шаби Айлана Дондокова даам наадалгаар Эрхүү хотын нээмэл Кубогта хүртэхын түлөө мүрысөөндэ шангай III һуури эзэлһэн байна.

Тус мүрысөөн 5 шатаһаа бүридөө. Айлана Дондокова 2 шатадань амжалтатайгаар хабаадажа, һайн дүн харуулаа.

12 наһа хүрөөдүй даамшадай дунда Айлана 2-дохи шатада II һуурида гараа. Майн 31-дэ болоһон һүүлшын шатада тэрэ түрүүлжэ гараһан байна. Эндэ Айлана 5 очко абажа эрхимлээ.

Бүхы шатануудай удаа Ахын эдир даамшаниие ганса Эрхүүгэй Алина Павлова болон Москвагай Диана Казакова гэгшэд хойноо үлөөгөө.

Онлайн аргаар болоһон мүрысөөндэ 8 гүрэнэй ба Ородой 18 можо, хизаарай 215 хүнэй дунда шангай һуури эзэлхэдэнь баярламаар.

Сорогой тамиршад, илангаяа Кузбассай Кубогта хүртэхын түлөө мүрысөөндэ II һуури эзэлһэн Анжелика Шарастепанова ба Айлана Дондокова түрэл аймагайнгаа 80 жэлэй ойн баярта һайхан бэлэг бариба гээшэ. 1940 оной майн 26-да аглаг үндэр Аха аймаг байгуулагдаһан тухай захирал гараһан гээд һануулая. 

Автор: Борис БАЛДАНОВ