377
Ерэхэ хэдэн үдэрэй туршада Буряад Улас дотор дулаан байха гээд мэдээсэгдэнэ. Уларил шэнжэлэлгын мэргэжэлтэдэй дуулгаһаар, үбэлэй хаһын ерээд байбашье, газаа ехэ дулаан байна. Декабриин 3-да ехэнхи аймагуудта болон Байгал шадар багаханаар саһан орохо. Баруун хойноһоо секундын 5-10 метр хүсэтэйгөөр һалхилха. Зарим нютагуудаар секундын 16 метр хүрэтэр һалхин шангадаха. Һүниндөө 12-17, зарим тээгүүр 22-27, Байгал шадар 6-11 градус хүйтэн хонохо. Үдэртөө 4-9, зарим газарта 13-18 градус хүйтэн байха.
Декабриин 4-дэ үүлэтэйшэг байха. Зарим аймагуудаар багахан саһан орожо болохо. Баруун урдаһаа секундын 3-8, зарим газарта 14 метр хүсэтэйгөөр һалхилха. Һүниндөө 17-22, зарим тээгүүр 25-30 градус хүйтэн хонохо. Үдэртөө 8-13, Байгалай урда нютагуудаар 4-9 градус хүйтэн байха.
Декабриин 5-да Улас дотор мүн лэ саһан орожо болохо. Секундын 6-11 метр хүсэтэйгөөр баруун хойто зүгһөө һалхилха. Һүниндөө 18-23, зарим аймагуудаар 27-32 градус хүйтэн хонохо. Үдэртөө 6-12, зарим нютагуудта 14-19 градус хүйтэн байха.
Харин 2019 оной эдэ үдэрнүүдтэ Улаан-Үдэ хотодо 22 градус, Буряад Уласай ехэнхи аймагуудта 40 градус хүйтэн байгаа юм, гэжэ уларил шэнжэлэгшэд тэмдэглэнэ.
Фото: yandex.ru
