Буряад Уласта 40 градус хүйтэн болохо

Мүнөөдэр, декабриин 14-дэ Улаан - Үдэ хотодо үдэртөө 16-18 градус хүйтэн байха. Һүниндөө 26-28 градус хүйтэн хонохо. Баруун урдаһаа секундын 3-8 метр хүсэтэйгөөр һалхилха.

Уларил шэнжэлэгшэдэй мэдээсэһээр, һүниндөө Байгал шадар саһан орохоор багсаамжалагдана. Үдэртөө мүн лэ багаханаар саһан орожо болохо. Баруун урдаһаа секундын 5-12 метр хүсэтэйгөөр һалхилха. Һүниндөө 25-30, зарим аймагуудаар 35-40, Байгал шадархи нютагуудааар 14-20 градус хүйтэн хонохо. Үдэртөө 15-20, зарим газарнуудаар 25-30, Байгал шадар болон баруун урда аймагуудаар 9 градус хүйтэн байха.