Буряад Улас дотор саһан орохо

Буряадай уларил шэнжэлэгшэдэй мэдээсэһээр, мүнөөдэр улас дотор саһан орохоор хүлеэгдэнэ. Үдэр Байгал шадархи нютагуудаар баганаар саһан орожо магад. Баруун хойноһоо секундын 6-11 метр хүсэтэйгөөр һалхилха, үглөөгүүр болон үдэрэй туршада 15-19 метр хүсэтэйгөөр һалхилха, бордоһолхо.

Һүниндөө 21-26, зарим аймагуудаар 31-36, Байгал шадар 11-16 градус хүйтэн хонохо. Үдэртөө 11-17, зарим тээгүүр 21-26, Байгал далайн захаар 6-11 градус хүйтэн байха.

УлаанҮдэ хотодо һүниндөө саһан орохогүй.Үдэрэй туршада саһан орожо магад. Һүниндөө аалиханаар һалхилха, үдэртөө секундын 9-14 метр хүсэтэйгөөр һалхилжа болохо. Һүниндөө 21-23, үдэртөө 11-13 градус хүйтэн байха гээд дуулганабди.