​Сергей Зверев дахинаа - Буряад Уласта

Шоумен, дуушан, стилист Сергей Зверев дахинаа Буряад Уласта амарна. Мүнөө тэрэ Түнхэн аймагай Нилова Пустынь курортын «Металлист» пансионадта байрланхай.

- Элүүржүүлгын түрүүшын үдэр эхилбэб …, - гэжэ Сергей Зверев Instagram хуудаһандаа бэшээ.

Түнхэнэй аршаанда үбэлдөө амарагты гэжэ Сергей Зверев уряалба. Юундэб гэхэдэ, зунсай сагта эндэ олон хүнүүд амарна.

Энээнһээ урид тэрэ Түнхэнэй Аршаанда зундаа амарһан байна гээд һануулнабди.