Хүйтэн уларил тогтоһон зандаа

Буряадай уларил шэнжэлэлгын түбэй мэргэжэлтэдэй дуулгаһаар, үнгэрһэн һүни зарим нютагуудаар 41 градус хүйтэн хоноо. Тиин мүнөөдэр Байгал шадархи нютагуудаар саһан орожо болохо. Бэшэ нютагуудаар саһан орохогүй. Зүүн тээһээ секундын 3-8 метр хүсэтэйгөөр, зарим тээгүүр 13 метр хүсэтэйгөөр һалхилха. Һүниндөө 26-31, зарим аймагуудаар 36-41, Байгал шадарай урда нютагуудаар 16-21 градус хүйтэн хонохо. Үдэртөө Байгал далайн захын нютагуудаар болон баруун урда аймагуудаар 8-13, бусад нютагуудта 26-31 градус хүйтэн байха.

Улаан-Үдэ хотодо саһан орохогүй. Зүүн тээһээ 4-9 метр хүсэтэйгөөр һалхилха. Һүниндөө 26-28, үдэртөө 16-18 градус хүйтэн байха гээд мэдээсэнэбди.