​2021 ондо Буряад Уласта 100 модоной зайда харгынууд заһагдаха

Ерэхэ жэлдэ Буряад Уласта 100 модо утатай харгы замууд һэльбэн шэнэлэгдэхэнь. «Аюулгүй болон һайн шанартай унаагай харгынууд» гэһэн үндэһэн түсэлэй хэмжээндэ заһагдаха харгынууд тодорхойлогдобо. Тэрэнэй ёһоор, аймагуудай мэдэлэй 16 харгы, Улаан-Үдэ хотын 5 харгы болон уласай мэдэлэй 14 харгы зам ерэхэ жэлэй туршада шэнэлэгдэхээр түсэблэгдэнэ.

Ивалгын, Мухар-Шэбэрэй, Яруунын, Тарбагатайн, Байгал шадарай аймагуудта эгээл ехээр харгын заһабарилга ябуулагдаха. Улаан-Үдэ хотын харгынууд хоёр жэлэй туршада тогтонгүй заһагдажа, һайн шанартай харгынуудай хубинь 58 % хүргэгдэбэ. Энэ түсэлэй ёһоор 2024 он хүрэтэр хотын харгынуудай 85 хубинь болбосон түхэлтэй болгогдохоор хараалагдана.