​Улаан-Үдын Дээдэ Онгостойдо велохаргы баригдаха

«Аюулгүй, һайн шанартай автомобилиин харгынууд» гэһэн үндэһэн түсэлэй хэмжээндэ Ботаническая гудамжаар Зүүн зүгэй эмнэлгын түб хүрэтэр харгы заһабарилагдаха. Тэрэнэй хэмжээндэ велохаргы хэгдэхэ.

Гэхэтэй хамта, харгын аюулгүй байдалай талаар ажал эмхидхэгдэхэ - харгын тусхай тэмдэгүүд тодхогдохо, харгы термопластигаар тэмдэглэгдэхэ.

Мүнөө харгы заһабарилха талаар худалдаан ябуулагдана гээд тэмдэглэлтэй.

Байгша ондо Улаан-Үдэдэ «Аюулгүй, һайн шанартай автомобилиин харгынууд» гэһэн үндэһэн түсэлэй хэмжээндэ 700 сая түхэригэй харгын заһабарилга хэгдэхэ юм.