362
Буряад Уласай Засагай газарай Түрүүлэгшын инфраструктура хүгжөөлгын талаар орлогшын уялга дүүргэгшэ Евгений Луковников болон барилгын сайдай уялга дүүргэгшэ Николай Рузавин хоёр албанай хэрэгээр Түнхэнэй болон Кабанскын аймагуудаар ябажа, барилгын объектнүүдэй барилгада хүрэһэн байна. Мүнөө Кабанскын аймагта барилга ябуулагша «МСК Байкал» бүлгэм Ехэ барилгын болон ашагладаг эмхинүүдэй хүтэлбэриин элирүүлһэн дутуу дундануудые усадхана.
Январиин 31 болотор бүхы ажал хэгдэхэ ёһотой. Евгений Луковников Николай Рузавин хоёр түгэсхэлэй шатын ажал шалгаһан байна. Мүнөө аймагай мэдэлдэ тамирай комплекс оруулха талаар ажал ябуулагдана. Тамирай шэнэ байшан нэгэ, хоёр, гурбан дабхарнуудтай юм.
Тамирай байшанай барилга «Спорт – норма жизни» гэһэн федеральна түсэлэй, «Развитие физической культуры, спорта и молодёжной политики» гэһэн уласай программын хэмжээндэ ябуулагдана. Барилгада болон тоног хэрэгсэлнүүдые худалдан абалгада федеральна болон уласай бюджедүүдһээ 134 сая түхэригһөө дээшэ һомологдоо.
Тиихэдэ Кабанскын аймагай Клюевка нютагта һургуули баригдажа эхилэнхэй. Зуун һурагшадые багтааха болбосоролой эмхиин барилга «Особняк Строй» бүлгэм ябуулна.
Фото: Буряад Уласай барилгын яаман
