Һалхитайшаг байха

Буряад Улас дотор багаханаар саһан орохоор багсаамжалагдана, - гээд уларил шэнжэлэгшэд дуулгана. Зүүн хойноһоо секундын 5-10 метр хүсэтэйгөөр һалхилха, зарим сагта һалхин шангадажа, секундын 16 метр хүрэтэр үлеэхэ. Һүниндөө 13-18, зарим аймагуудаар 23-28, хойто талын нютагуудаар 32-37 градус хүйтэн болохо. Үдэртөө 6-11, урда болон баруун урда газарнуудаар 0-5 градус, хойто талаар 15-20 градус хүйтэн байха.
Улаан-Үдэ хотодо үдэрэй туршада саһан орожо магад. Зүүн хойноһоо 3-8 метр хүсэтэйгөөр һалхилха. Зарим сагта 9-14 метр хүрэтэр һалхин шангадаха. Һүниндөө 15-17, үдэртөө 6-8 градус хүйтэн байха.