491
Буряад Уласта «Экология» гэһэн үндэһэн түсэлэй «Ой хамгаалга» гэһэн федеральна түсэлэй бэелүүлгэ үргэлжэлһөөр. Тиигэжэ ойн түймэрнүүдые түргэн дары унтарааха хэрэгтэ ойн ажахынуудай автопарк шэнэлэлгэ хадаа зорилгонуудай нэгэн болоно.
Энэ удаа Мухар-Шэбэрэй болон Буйн ойн ажахынуудта ойн түймэр сарааха хоёр автоцистернэ дамжуулагдаа. Энээнһээ урид Мухар-Шэбэрэй ойн ажахыда хуушан автоцистернэ байгаа һаань, Буйн ойн ажахыда иимэ техникэ үгы һэн.
Үнгэрһэн жэлдэ уласай ойн ажахынуудта «Экология» гэһэн үндэһэн түсэлэй «Ой хамгаалга» гэһэн федеральна түсэлөөр ойн түймэр саралгын 30 техникэ болон 40-һөө дээшэ тоноог хэрэгсэл дамжуулагдаа. Байгша ондо ойн түймэр саралгын 70 техникэ болон 100-һаа дээшэ тоног хэрэгсэл худалдан абахаар түсэблэгдэнэ.
Фото: РАЛХ
