​Буряад Уласта 2021 оной январь, февраль һарануудта хэгдэһэн барилга тухай

Бурятстадай мэдээсэһээр, 2021 оной январь, февраль һарануудта уласай дэбисхэртэ 64,0 мянган дүрбэлжэн метрэй талмайтай 616 гэр (827 байра) ашаглалгада тушаагдаа. Үнгэрһэн жэлтэй жэшэхэдэ, энэ хэмжээн 2,3 дахин дээшэлээ.

Ажаһуугшад өөһэдын болон урьһаламжын мүнгөөр 54,3 мянган дүрбэлжэн метрэй талмайтай үмсын гэрнүүдые барижа ороһон байна. Энэнь улас дотор ашаглалгада тушаагдаһан гэрнүүдэй 84,9 хубинь болоно. Баригдаһан гэрнүүдэй ехэнхи хубинь (74,1 %) – Улаан-Үдэдэ. Аймагуудай дунда гэрнүүдые барилгаар Ивалгын аймаг түрүүлнэ. Эндэ улас дотор ашаглалгада тушаагдаһан гэрнүүдэй 10,8 хубинь болоно. Удаань Кабанскын аймагта - 4,6 %, Северобайкальск хотодо -1,8 %, Сэлэнгын аймагта – 1,2 %.