​Буряадай аймагуудта мүнөө үеын номой сангууд байгуулагдаха

Буряад Уласай холо оршодог Захааминай, Ахын, тиихэдэ Хориин аймагуудта мүнөө үеын номой сангууд байгуулагдаха. Энэ ажалда федеральна һанһаа 25 сая түхэриг һомологдохо.

Хориин аймагай Хори нютагай номой сан энэ аймагһаа гарбалтай уран зохёолшод болон ирагуу найрагшадай зохёохы ажалда зорюулагдаха. 700-гаад ажаһуугшадтай Захааминай аймагай Хуртагын номой сан гэр бүлөөрөө уншалгын «Гуламта» гэжэ нэрлэгдэхэ. Ахын аймагай Өөрлиг һууринай модельнэ номой сан буряад болон үсөөн тоото үндэһэн һоёд арадуудай соёлдо зорюулагдаха.

Энээнһээ урид мүнөө үеын номой сангууд Улаан-Үдэ. Северобайкальск хотонуудта, Хэжэнгын, Хяагтын боло Загарайн аймагуудта байгуулагдаа һэн гээд һануулнабди.