​Буряадай Баргажанай дархан газарта баабгайнууд эшээнһээ гарана

Арадай литээр баабгайнууд мартын 26-да унтаһан һэрижэ, эшээнһээ гарадаг юм. Баргажанай дархан газарта баабгайн мүрнүүд мартын 11-дэ обёорогдоо. Тиихэдэ ойн эзэн эшээнһээ эртэ гараа гээд тэмдэглэлтэй. 1938 онһоо 1998 онуудай тэмдэглэлнүүдээр баабгайнууд апрелиин17 багта эшээнһээ гарадаг һэн. 2017-2020 онуудта тэдэнэр март һарын һүүл багта унтаанһаа һэридэг гэжэ дунда зэргын хэмжээнүүд баримталагдаһан юм.

Манай можо нютагта баабгайнууд 165 тухай үдэрөөр эшээндэ ородог. Сагай уларилһаа «тайгын эзэдэй» һэрихэ саг дулдыдадаг. Бултанай мэдэһээр, байгша оной мартын эхиндэ дулаан уларил тогтоһон байна.