​Москвада Алас Дурна зүгэй можо, хизаарнуудай үдэрнүүд эпидемиологическа байдалтай зохилдуулан үнгэрхэ

Алас Дурна зүгэй можо, хизаарнуудай үдэрнүүд эпидемиологическа байдалтай зохилдуулан үнгэрхэ. Энээн тухай Ородой Холбоото Уласай Засагай газарай Түрүүлэгшын орлогшо – Алас Дурна зүгтэ Юрэнхылэгшын бүрин эрхэтэ түлөөлэгшэ Юрий Трутнев дуулгаа.

«Москвада Алас Дурна зүгэй хэмжээ ябуулгануудые үнгэргэхэдэ болохошье, хэрэгтэйшье. Энэ хото манай Эхэ ороной ниислэл, ехэ албан ажалай хото гээшэ. Алас Дурна зүгэй (можо, хизаарнуудай) үдэрнүүд эпидемиологическа байдалтай зохилдуулан үнгэргэгдэхэ», – гэжэ Юрий Трутнев тоолоно.

Энэ жэлдэ үнгэргэгдэхэ «Можо, хизаарнуудай үдэрнүүдэй хэмжээ ябуулгануудай «Алас Дурна зүгэй можо, хизаарнуудай үдэрнүүд Москвада» – энэмнай Алас Дурна зүгэй тойрогой можо, хизаарнуудта залуушуулай дуратайгаар ерэхые уряалһан Алас Дурна зүгэй хизаар тухай хүсэд дүүрэн мэдээсэл болохо.

«Заншалта ёһоороо яармаг үнгэргэгдэжэ, Алас Дурнын арадуудай бүлгэмүүд бэлиг талаангаа харуулха. «Дальневосточный экспресс» гэһэн худалдаа наймаанай тусхай нүүдэл состав Москвагай метрополитендэ ябуулхабди. Дээдэ һургуулинуудта залуушуулай болон оюутадай һонорто үзэсхэлэнгүүд дэлгэгдэжэ, Алас Дурнада һураха, хүдэлхэ арга боломжонуудтай танилсуулха. В.К. Арсеньевэй нэрэмжэтэ Бүхэроссиин уран зохёолой «Алас Дурна зүг» Шангуудай болон «Алас Дурна зүгэй одон» гэһэн ниигэмэй албан ажалай шангуудай түгэсхэлэй шата үнгэрхэ. «Большой Дальневосточный Квест» гэһэн викторина ехэ һонирхол татаха. Илагшад Алас Дурнын бүхы можо, хизаарнуудаар хоюулаа аяншалха амаралтын үнэмшэлгэнүүдтэ хүртэхэ», – гэжэ Юрий Трутнев мэдээсээ.

Зарим хэмжээ ябуулганууд онлайн-формадта үнгэргэгдэхөөр хараалагдана. Тиимэһээ гэртэһээ гарангүйгөөр гэхээр, хабаадажа болоно. Гурбадахияа, харин мүнөө онлайн-формадта «Большой Дальневосточный Квест» үнгэрхэ. Мүн онлайн-гуримаар үнгэрхэ «ProДФО» форумой үедэ нээмэл хөөрэлдөөнүүдтэ мэдээжэ федеральна болон региональна экспертнүүд, тэрэ тоодо Юрий Трутнев өөрөө болон Алексей Чекунков хабаадаха. Ниислэл хотын дээдэ һургуулинуудта Алас Дурнын Амбан дарганар, Толгойлогшонор онлайн-элидхэлнүүдые уншаха.

Хэмжээ ябуулгануудые, илангаяа “Алас Дурна зүгэй можо, хизаарнуудай үдэрнүүдые” үнгэргэһэнэй удаа суглуулагдаһан мэдээнүүдээр ДФО-һоо гадуур нютагуудһаа ерэһэн оюутадай тоо 6,2 хубиһаа 13,8 хуби болотор ургаа гэхэ гү, али 2 дахин олон болоо», – гэжэ Юрэнхылэгшын ДФО-дохи бүрин эрхэтэ түлөөлэгшын захиргаанда мэдээсээ.