Ехэ харгынууд гэрэлтэй болохо

Р-258 «Байгал», А-333 болон А-340 харгынуудые зайгаад, 30 гаран модо зайн галай утаһан татагдаха түсэбтэй.

Бүхыдөө нэгэ мянга гаран бахананууд һуулгагдаха, зайн гал алмаха аргатай гэрэлнүүд үлгэгдэхэ болоно. Эдэ түхеэрэлгэнүүд мүнөө үеын хэрэгсэлнүүдһээ бүридхэгдэжэ, харанхыда шангаар, боро хараанда һулашагаар гэрэлтэхэ аргатай. Гадна холын зайһаа хэрэгсэл дараад унтараагдажа, аһаагдажа байха. 

Үшөө тиихэдэ Т-7 түхэлэй  шэнэ 18 светофор табигдаха. Арга шадалаар тулюур, эрэмдэг бэетэй зоной харгы хүндэлэн гараха газарта тусхайтаар шэнэ тактильна хэрэгсэл дэлгээгдэхэ. 
 
ФКУ Упрдор «Южный Байкал» гэһэн эмхин мэдэлдээ абаад байдаг харгынуудтаа 170 модо утатай зайн гал татана. Тэрэнэй 112,3 модониинь Р-258 «Байгал» харгыда, 36 модо А-333 Култук – Монды – Монгол Ороной хилэ хүрэтэр харгыда, 18 модониинь А-340 Улаан-Үдэ – Кяхта – Монгол Ороной хилэ хүрэтэр болоно.