​Буряадай Нурта нютагта алха, дүшын хүшөө табигдаба

Буряад Уласай Захааминай аймагай Нурта нютагта алха, дүшын хүшөө табигдаа. Хүшөө дээрэ “Би Нуртадаа дуратайб” гэжэ буряадаар бэшэгдэнхэй.

Нютагтаа иимэ хүшөө табихын тула, Нуртада ажаһуудаг, тэндэһээ гарбалтай зон булта хубитаяа оруулалсажа, мүнгэ суглуулһан байна. Тиигэжэ олоной хүсөөр 70 мянганһаа дээшэ түхэриг сугларжа, түсэл бэелүүлэгдээ. Хүшөө дээрэ “Би Нуртадаа дуратайб” гэжэ буряадаар бэшэхэ гэһэн шиидхэбэри абтаа. Тиихэдэ 1728 гэһэн тоо нютагай байгуулагдаһан жэл болоно.

- Хэр угһаа хойшо Нурта нютаг дархашуулаараа суутай, мүнөөшье болотор манай нютагай ажаһуугшад энэ алдаар суугаа алдаагүй, - гэжэ Захааминай аймагай захиргаанда тэмдэглэбэ.