24 градус хүрэтэр дулаарха

Мүнөөдэр, майн 28-да,  Буряад Уласай урда болон баруун урда аймагуудаар багаханаар бороон орожо болохо. Зүүн тээһээ секундын 5-10, зарим сагта 14 метр хүсэтэйгөөр һалхилха. Һүниндөө 2-7 дулаан, зарим талаар 1-6 градус хүйтэн хонохо. Үдэртөө 19-24, Байгал шадархи нютагуудаар 9-14 градус дулаан болохо.
Улаан-Үдэ хотодо шииг нойтон орохогүй. Зүүн тээһээ секундын 6-11 метр хүсэтэйгөөр һалхилха. Һүниндөө 3-5, үдэртөө 19-21 градус дулаан тогтохо.