Ниигэм 3 jun 2021 191

​Монголой түрүүшын космонавт Улаан-Үдэдэ буугаа

© фото: Буряад Уласай Арадай Хурал

Жугдэрдэмидийн Гуррагчаа хадаа Монголой түрүүшын, мүнөөшье болотор ори ганса космонавт юм. 1981 ондо тэрэ замбуулинда ниидэһэн намтартай. Үндэр айлшаниие Буряад Уласай Арадай Хуралай түрүүлэгшэ Владимир Павлов угтаа.

Монголой космонавт Москва хотодо замбуулинда ниидэһэн 40 жэлэйнгээ ойн баярта Ородой Холбоото Уласай зарлигаар Александр Невскын орденоор шагнагдаа. Гүрэнэй шагнал Ородой Гадаадын хэрэгүүдэй талаар сайд Сергей Лавров барюулаа.

 - Буряадууд бидэндэ ехэ дүтэ арад гээшэ ааб даа. Түүхэмнэй, хэлэмнай нэгэн. Буряад Улас ерэхэдээ, ехэ баяртай байдагби, - гэжэ Жугдэрдэмидийн Гуррагчаа хэлэбэ.

Фото: Буряад Уласай Арадай Хурал