​​Буряад Уласай аяншалгын сайд тушаалаа сүлөөлбэ

Буряад Уласай Толгойлогшо Алексей Цыденов аяншалгын сайд Мария Бадмацыреновагай тушаалаа сүлөөлхэ тухай зарлиг абаба.

«Засагай газарай гэшүүн Бадмацыренова Мария Борисовнагай тушаалаа сүлөөлхэ тухай оруулһан мэдүүлгээр, 2021 оной июниин 18-да аяншалгын сайдай тушаалһаа сүлөөлжэ, ажалай хэлсээ болюулха», - гэжэ зарлигта хэлэгдэнэ.

Энээнһээ урид июниин 10-да Мария Бадмацыренова тушаалаа сүлөөлхэ тухай мэдүүлгэ оруулһан байна. Тэрэ Алас Дурнын болон Арктика хүгжөөлгын яаманһаа ороһон дурадхал тогтоожо, Алас Дурнын зүг хүгжөөхэ талаар Корпорациин хэмжээндэ аяншалга хүгжөөхэ юм. Ондоо ажалда ошохо тухайгаа сайд Алексей Цыденовтэй зүбшэһэн байна.

Мария Бадмацыренова 2018 оной эхиндэ аяншалгын яаман хүтэлбэрилөө гэжэ һануулнабди.