​Буряад Уласта үбһэ сабшалган эртэ эхилхэ

«Россельхозцентр» гэһэн федеральна эмхиин Буряадтахи таһагай захирал Намжил Мардваевай хэлэһээр, Буряад Уласта үбһэ сабшалган эртэ эхилхэ.

 - Үнгэржэ байһан жэл бусад жэлнүүдтэ ороходоо, хоморой, юундэб гэхэдэ уласай ехэнхи аймагуудта июлиин 1-һээ үбһэ бэлдэжэ эхилхээр болоо. Хура бороотой байжа, ногоон һайнаар ургаа, - гэжэ Намжил Мардваев тэмдэглэнэ.

Тэрэнэй хэлэһээр, үбһэн элбэгээр бэлдэгдэхэ

- Урид иимэ жэлнүүдтэ жэл хахадай туршада хүрэхэ үбһэ бэлдэхэ гэжэ түсэб табигдадаг һэн. Мүнөөшье элбэгээр бэлдэхээр, - гэжэ «Россельхозцентр» гэһэн федеральна эмхиин Буряадтахи таһагай захирал онсолбо.