​Буряадай ажаһуугшад Улаан-Үдын гурбадахи хүүргэдэ нэрэ  үгэхэ аргатай

Буряад Уласай Арадай Хуралай ээлжээтэ сессидэ Улаан-Үдэдэ баригдажа байһан гурбадахи хүүргэдэ нэрэ үгэхэ талаар Алексей Цыденов уласай ажаһуугшадта хандаба.

Буряадай ажаһуугшад хүүргэдэ нэрэ һанажа, удаань хэдэн нэрэнүүд сооһоо һайшаагдаһанайнь түлөө дуугаа үгэхэ аргатай.

Буряадай ниислэл хотын Октябрьска болон Железнодорожно хороонуудые холбожо, гурбадахи хүүргэ баригдана. Хүүргын утань - 202 метр, үргэниинь 26 метр юм.

«Аюулгүй, һайн шанартай автомобилиин харгынууд» гэһэн түсэлөөр барилга ябуулагдана. 2024 ондо хүүргын заһабарилга түгэсэхэ гэжэ түсэблэгдэнэ. Барилгын ажалда 7,5 миллиард түхэриг хэрэгтэй.