​«Буряад үнэнэй» шогуудһаа: Даша-Рабдан Батожабайе танихагүй ушарһаа...

“Байгал” сэдхүүлдэ наһаараа хүдэлһэн Гарма-Доди Дамбаев ахатан суута уран зохёолшо Даша-Рабдан Батожабайн больницада эмнэлгэдэ байха үедэнь ошоһон тухайгаа баримтата рассказ бэшэһэн юм. Бууза абаашаад, хахад хухадые эрихэдэнь, дүтэ һуудаг Шираб-Сэнгэ Бадлуевһаа мүнгэ урьһалжа байжа архи абаашаха баатай болоһоноо, Одбоевичой ордоһолһон тухай дурсаһан байдаг. Һүүлдэ болоһон хойно ГармаДоди Дамбаевич “Нэгэл баримта алдажархёо хүм” гээ бэлэй.

- Ямар баримта?

- Врачай обходой удаа гү, али обедэй һүүлдэ Батожабайн газаашаа гарахадань, обоо зон дахасалдадаг болобо. Дабтагдашагүй һонин, дэлгэр зугааень шагнаха гэжэ... Нэгэтэ Одбоевичой ээлжээтэ хөөрөөгөө шарьюулжа түгэсэхэдэнь, Даша-Рабдан Батожабайе танихагүй нэгэ эхэнэр тэбдүү түдэгэсэнги, сэдьхэлээ ехэл хүдэлгэһэн янзатайгаар:

- Та уран зохёолшол болохо байгаалта даа, - гэжэ шангаханаар мэдүүлһэн ха.