239
Хониной нооһо хайшалганай ажал түлэг дундаа ябуулагдажа байнхай. 100 мянга гаран толгой хонин хайшалагдаха ёһотой.
Бүхы дээрээ 280 тонно нооһо абахаар хараалагдана. Тэдэнэй тоодо нарин нооһон 150 мянга гаран тонно болохоор түсэблэгдэнэ. Забайкалиин үүлтэрэй нарин нооһотой хонидые үсхэбэрилдэг 11 үүлтэртэ болон фермерскэ ажахы меринос нооһо абаха лицензитэй юм.
Согто Хангил, Хүнхэр, Хүһөөшэ, Ушарбай болон бусад томо ажахынуудта түб хайшалгын газарнуудта бүхы ажал нэгэ доро ябуулагдана.
Һүүлэй байдалаар Могойтын аймагта зарим ажахынуудта нооһо хайшалга түгэсөө. Нүгөө заримандань бороо һаад ушаруулна, июлиин 10- 12-ой үдэрнүүдтэ дүүрэхэ зэргэтэй. Хонин бүхэнһөө дунда зэргээр 2 килограмм 600 грамм нооһон абтаа. Энэ багсаамжалһан түсэбһөө бага болоно гээд, Агын тойрогой захиргаанай хүдөө ажахын таһагта хэлэнэ.
Абтаһан нооһо тушаалга бэлэн хэрэг бэшэ. Агын “Руно” бүлгэм нарин нооһоной нэгэ килограммай түлөө 100 түхэриг хүрэтэр үгэхэеэ бэлэн байһанаа мэдүүлнэ. Мүн шэрүүн нооһон оройдоол 15 түхэригтэ хүрэнэ.
Агын тойрогой захиргаанай сайтһаа
