​Шэнэ Юрэнхылэгшэ

Июниин 9-эй һунгалтада олоной дуу абаhан Ухнаагийн Хүрэлсүх Баттулгын гарһаа түрын тамга абажа, Монгол Уласай Юрэнхылэгшын тушаалда ороо.

Монгол Уласай 6-дахи юрэнхылэгшэ болоһон Хүрэлсүх 6 жэлэй туршада юрэнхылэгшын тушаалда ябаха юм. Гол хуулида юрэнхылэгшын болзор һунааһан шэнэ хубилалта оруулагдаһан байгаа бшуу.

Ухнаагийн Хүрэлсүх 1968 оной июниин 14-дэ Улаан-Баатарта түрэһэн. Хэнтын аймагһаа гарбалтай эсэгэнь наһаараа жолоошоноор хүдэлһэн. Багаһаа эрид өөрынхеэрээ байдаг - хүбүүдээр һүгэлсэдэг хадань гэртэхинь хүбүүгээ журамтай болгохын тулада сэрэгшэдэй һургуулида үгэһэн юм. 1989 ондо сэрэгшэдэй ехэ һургуули түгэсхөө. 1990 ондо генерал-лейтенант Хүрэлсүх депутадуудтай холбоо байгуулжа, Арадшалһан партиин залуушуулые хүгжөөлгын түб толгойлһон юм. 2017 онһоо Засагай газарай юрэнхы сайдаар ажаллаа.

«Буряад үнэн» мэдээсэлэй албан