334
Эсэгэ ороноо хамгаалгын Агууехэ дайнда хабаадаһан Сэлэнгын аймагай һүүлшын ветеран наһа бараба.
Виктор Петрович Хлебников 94 наһа хүрөө. Тэрэ 1927 ондо түрэһэн намтартай. Эжынь эртэ наһа бараһан юм. 1937 ондо абань арадай дайсан гээд буудуулһан байна. 6-дахи класс дүүргэмсээрээ, хара ажал хэхэеэ ошоо.
1944 ондо сэрэгэй албанда татагдажа, радиотелеграфистын һургуулида дары түргөөр һуража гараа. Виктор Петрович Илалтые Забайкалиин фронтын танкын дивизидэ угтаа. Сэрэгэй албанда 1951 он болотор ябаа. Эсэгэ ороноо хамгаалгын дайнай 2-дохи шатын орденоор, “Япониие илаһанай түлөө” гэһэн медаляар шагнагдаһан байгаа. Олон тоото ойн баярай медальнуудта хүртэһэн юм.
1955 онһоо хойшо Гусиноозерск хотодо ажаһуугаа.
Наһанайнгаа амаралтада гаратараа жолоошоноор хүдэлһэн намтартай. Наһанайнгаа нүхэр Ольга Александровнатай гурбан үхибүүдые хүмүүжүүлээ. 7 аша зээнэртэй, 14 гушанартай юм.
«Селенгинский вестник» сонинһоо
