491
Ахын аймагта хоёрдохи гэр бүлэдэ эхир үхибүүд түрэбэ.
Хоёр басагадай түрэһэн тухай гэршэлгэ Алдар болон Оюна Папаевтанай гэр бүлэдэ һаяхана барюулагдаа. Тэдэндээ Амина ба Санжина гэжэ нэрэнүүдые үгөө. Мүнөө Папаевтанай гэр бүлэ дүрбэн үхибүүтэй болоо.
Март һарада Сергей болон Дыжид Данцарановтанай бүлэ эхир үхибүүтэй болоо һэн.
Байгша ондо Буряад Уласта 20 гаран эхир үхибүүд түрөө. Байгал шадарай аймагай аяар табан гэр бүлэдэ эхирнүүд түрөө. Захааминда гурбан бүлэдэ иимэ баяр ерээ.
«Аха» сонинһоо
