280
Энэ зун Зэдын аймагта хоёр хүн могойдо хадхуулба. Иимэ ушарнууд Дээдэ Тори һууринда үзэгдөө.
Июлиин 21-дэ Дээдэ Тори һууринһаа холо бэшэ нэгэ ажаһуугша “гадюка” гэһэн хоротой могойдо хадхуулжа, Петропавловкын түбэй больницада хандаһан байна.
- Тэрэ үдэшэндөө муудаһан хүниие аргалжа эхилээбди. Могойдо хадхуулһан хүн нэгэтэ бэшэ мэдээ алдажа унаа. Бүхы хэрэгтэй эмнэлгэ үзүүлжэ, реанимациһаа тэрэмнай хирургиин юрын таһагта оронхой. Мүнөө яһала һайн боложо байна, - гэжэ ахамад врач Вячеслав Цыденов мэдүүлнэ.
Һүүлэй хэдэн жэлдэ Буряад Уласта могойнууд олошоронхой. Тиимэһээ могойтой уулзабал, юу хэхэб гэһэн зүбшэлнүүдые тусхай албангууд хүн зондо олоор үгэнэ. Нэн түрүүн тэрээниие тойроод гарагты. Юундэб гэхэдэ, могой нэгэшье түрүүн добтолхогүй. Мүн модоор могой дайраха хэрэггүй, заал һаа таанадые хадхажа үрдихэ. Могой руу нюргаараа эрьеэд, түргөөр тэрьедэбэл, нүгөө могой гэшхэжэрхихэ аргатайт. Нюргаараа эрьенгүй, гараа арбагануулангүй, һэмээхэн хойшоо сухарибалтнай дээрэ.
«Джида-инфо. 24/7» сайтһаа
