400
Элитэ ехэ уран зохёолшо Даширабдан Батожабайда зорюулһан хүшөө Үндэһэтэнэй номой сангай дэргэдэ бодхоогдохонь гэжэ дуулгаа бэлэйбди. Тиигэхын тулада Буряад Уласай Соёлой яаман уран зураашадай дунда урилдаа соносхоһон юм. Тэдэ хүшөөгэй эскиз тусхай комиссиин сэгнэлтэдэ тушааһан байгаа.
«Домог болоһон наһан» гэжэ нэрэтэй Баир Сундуповай хүшөө комиссиин гэшүүдтэ ехэтэ һайшаагдажа, автортань илалта асарба. Даширабдан Батожабайн шэрээгэй саана һуугаад байхаарнь, хүшөө баригдаха болобо.
Алексей Бахлуев, Вадим Мясников, Евгений Болсобоев, Чингис Шенхоров болон уран зохёолшын басаган Сэсэгма Даширабдановна энэ урилдаанда оролсоһон байгаа.
Августын 25-да мэдээжэ уран зохёолшын 100 жэлэй ойн баяр тэмдэглэгдэхэ.
«Буряад үнэн» мэдээсэлэй албан
