​Уһанай хойшолон

Энэ зун хура бороотой байжа, хаахаанагүй гол горход үерлэжэ, зондо, амитадта хохидол асарна.

Июль һарын тэнгээр хэдэн хоногто үрхэлжэ ороһон ехэ аадар бороогой һүүлээр Дулдаргын аймагай Алхана нютагта Харгааһата гол эрьеһээ халижа, хадын хүндыһөө уһан урдажа, нютагай зоной олон гэрнүүд үертэ абтаа. Огородой ургамалнууд, подполи уһанда абтаһан байна. Энэ аюулта ушараар нютаг дээрэ онсо байдал соносхогдоо. Ажаһуугшадайнь тэмдэглэһээр, мүнөө зун уһанай аюул хоёрдохёо ушараа. Зониие онсо байдалһаа аршалхаяа аймагай түбһөө албатад ерэжэ, уһанһаа хамгаалгын ажал ябуулаа, гай тодхорой хохидол тоолоо. Бульдозер уһанай урдажа ошохо хобоо татаһан байна.

«Толон» сонинһоо