737
Байгша ондо Буряадай ниислэл хотын һургуулинуудта 65 мянган тухай һурагшад тоологдоно. Тэдэнэй тоодо, долоо мянганһаа дээшэ багашуул анха түрүүшынхиеэ һургуулиин богоһо алхажа орохо.
«Эрдэм мэдэсын үдэр» яажа эмхидхэгдэхэб гэһэн зууршалгануудые Улаан-Үдын захиргаанай болбосоролой хороон үгэбэ.
- Һэргылэмжын болон эпидемидэ эсэргүүсэһэн хэмжээнүүдые нягтаар сахиха шухала, - гэжэ Болбосоролой талаар хорооной түрүүлэгшэ Татьяна Митрофанова тэмдэглэбэ.
Һуралсалай шэнэ жэлдэ зорюулагдаһан хэмжээ ябуулганууд газаа үнгэргэгдэхэ юм. Хоорондо зай баримталан, маскануудые үмдэжэ, түрэлхид баярай найрта байха аргатай.
Үнгэрһэн жэлдэ тохёолдоһон эпидемиологическа байдалһаа боложо, сентябриин 1-эй һайндэртэ 1-дэхи болон 11-дэхи ангинууд һурагшад лэ хабаадаа гээд һануулнабди.
Фото: pixabay.com
