​«Илалтын поезд» Улаан-Үдэ хүрэхэ

Байгша оной августын 22-23-ай үдэрнүүдтэ Улаан-Үдэдэ Илалтын поезд тогтохо. Буряадай ажаһуугшад, Уласай айлшад энэ гайхамшагта музей соо 1941-1945 онуудай Агуу дайнай түүхэтэй дүтөөр танилсаха юм.

Хараха дуратай зоной һонорто 8 вагонууд соо 13 сэдэбүүдээр экспозицинууд дурадхагдаха. Үдэр соо 550 хүн музей орожо хараха аргатай болоно.

Түмэр харгыгаар нүүдэг музей Россиин 36 хотонуудта тогтохо юм. Иимэ түхэлэй, дэлхэйдэ урид үзэгдөөгүй музей дотор олон тоото скульптурануудай баян композицинууд байгуулагданхай. Гадна Илалтын поезд соо 50 видеопроекторнүүд видео-буулгабари харуулха 18 хананууд,12 тач-столнууд тодхогдонхой. Тэдэнэй ашаар музей дотор дайнай үеын үнэн байдал харуулха арга боломжо үгтэнэ.