448
Ородой Холбоото Уласай Юрэынхылэгшв Владимир Путинай һургуулинуудта гурбадхи халаан усадхаха гэһэн асуудал шиидхэгдэжэ, Буряад Уласта һүүлэй жэлнүүдтэ һургуулинууд эдэбхитэй баригдана.
- Ородой Холбоото Уласай Засагай газара можо нютагуудай засаг зургаануудтай хамта 2023-2024 һуралсалай жэлнүүдтэ һургуулинуудта гурбадахи халаан усадхаха, - гэжэ гүрэнэй хүтэлбэрилэгшын даабаринуудай бүридхэлдэ хэлэгдэнэ.
«Болбосорол» гэһэн үндэһэн түсэлэй «Мүнөө үеын һургуули» гэһэн федеральна түсэлэй хэмжээндэ үнгэрһэн жэлдэ Буряад Уласта дүрбэн һургуули ашаглалгада тушаагдаа. 2021 ондо табан һургуули нээгдэхэ, үшөө дшрбэн баригдажа эхилэнхэй.
- Һургуулинууд баригдажа, 2023 ондо улас дотор гурбадахи халаан усадхагдаха, - гэжэ Буряадай болбосоролой болон эрдэм ухаанай сайдай орлогшын уялга саг зуура дүүргэгшэ Валерий Поздняков хэлэһэн байна.
Источник: Буряад Уласай Засагай газарай мэдээсэлэй албан
Фото: Буряад Уласай Засагай газар
