​Буряад Уласта «КовиВак» гэһэн вакцина асарагдаа

Ородой түбэй хотонуудта энэ тарилга абаха гэжэ хүнүүд олоороо ээлжээндэ сугларна.

Буряад Уласта «КовиВак» гэһэн 1500 вакцина асарагдаа. Коронавирусһаа һэргылһэн энэ тарилга олон эмшэд зууршална. Тэрэ Чумаковай нэрэмжэтэ түбтэ зохёогдоһон юм. «КовиВак» вакцинаар тарюулхадаа, хүнэй бэедэ ондоо үбшэн һүжэрнэгүй, муу нүлөө үзүүлэгдэнэгүй гэжэ зоной дунда мэдээжэ

Буряад Уласта коронавирусһаа һэргылһэн вакцина гүрэнэй «Бурят-Фармация» асарна. «КовиВакһаа» гадна «Спутник», «ЭпиВакКорона», «Спутник Лайт» гэһэн вакцинанууд дамжуулагдаа.