​Танкаар биатлондо - ээлжээтэ амжалта

Москва можын Алабинодо августын 22-то Уласхоорондын 7-дохи танкова биатлон эхиеэ абаба. 1-дэхи, 2-дохи дивизионуудай командануудай хубиин урилдаанда Россиин түлөөлэгшэд - танкын командир Александр Намсараев, наводчик - оператор Дашинима Галданов (хоюулаа Борзиһоо), механик-жолоошон Виктор Хишектуев (Хяагта) эрхим дүн харуулба.

Хитадай, Узбекистанай команданууд соо 19 минута 26 секунда саг харуулжа, тэдэ урдалба. Мүрысөөнэй үдэр бороотой, трассада ехэ хүндэ байба. Тиигэбэшье танкын экипаж часай 81 км хурданиие харуулжа шадаа. 2019 ондо Хяагтын Иван Осеев часай 84 км хурданиие харуулжа, дэлхэйн рекорд байгуулһан байна. 2020 оной наадануудта Баин Бодеев 82 км дүн харуулһан юм.