​«Армия-2021» гэһэн форумдо Улаан-Үдын авиазаводой шэнэ вертолёт олоной һонирхол татаа

Улаан-Үдын Авиазаводой пресс-албанай мэдээсэһээр, “Армия-2021” гэһэн Уласхоорондын сэрэгэй техническэ форумдо шэнэ «Ка-226Т» вертолёт үзэмжэдэ табигдаба. Тус форум Москвада «Патриот» паркда эмхидхэгдээ.

Хүнгэхэн, олон үүргэтэ «Ка-226Т» вертолёдой туршалга 2021 оной намар эхилхээр хараалагдана. Харин 2022 ондо Улаан-Үдын Авиазаводто тэрэнэй үйлэдбэри эхилхэ юм. Шэнэ вертолёт үндэр хада уулануудаар ядамаргүй ниидэхэ аргатай, техническэ талаар ехэ олон шэнэ хубилалтануудтай. Тиимэһээл Улаан-Үдын авиазаводой шэнэ бүтээл олоной һонирхол татаба.