512
Олоной ажал ябуулха үүргэтэй «Агын номой сангай ниигэм» ниитэ эмхи «Родные голоса» гэһэн регионууд хоорондын мүрысөөндэ хабаадажа, Үбэр Байгалай хизаарай Соёлой яаманай грантда хүртэбэ.
- Бидэ буряад зохёолшодой ород ба буряад хэлэнүүд дээрэ бэшэһэн аудио-номуудай абяа бэшэдэг студи байгуулха түсэбтэйбди. Энэ түлэбэй ашаар нютагай зохёолшодой номууд техникын аргаар (гаджет г.м.) дэлгэрүүлэгдэхэ. Аудио-номууд хүнэй толгойдо бүхөөр хадуугдан үлэдэг байна, - гэжэ Ц.Жамцараногой нэрэмжэтэ Агын номой сангай ахалагша библиотекарь С.Дамдинжапова хэлээ һэн.
Мүнөө «Агын номой сангай ниигэм» эмхи аудио-номуудые шагнаха сайт байгуулна. «Родные голоса» гэһэн түлэблэл буряад номуудые уншадаггүй хүнүүдтэ зорюулагдажа зохёогдоһон байна. Түрэл хэлэ үзэхын тула аудиономууд 2 хэлэн дээрэ зохёогдобо.
Жалсан ЛУБСАНДАШИЕВ
