​Буряадай Поселье һууринда харгы заһагдажа эхилээ

Буряадай Ивалгын аймагай Поселье һууринай Школьный гэһэн бага гудамжада харгы хэгдэжэ эхилээ. Харгын барилга «СК Арсенал» бүлгэм ябуулна. Тиигэжэ харгы асфальтаар хушагдажа, харгын тэмдэгүүд тодхогдохо юм. Мүнөө бутархай шулуу харгыда адхаха ажал ябуулагдана. 2021 оной ноябриин 1-дэ харгы заһабарилгын ажал дүүрэхэ юм.

«СК Арсенал» бүлгэмтэй зургаан сая түхэригэй хэлсээн баталагданхай.