​Буряадай Түнхэнэй дархан газарта уһанай шубуудые тооложо эхилээ

Буряадай Түнхэнэй дархан газарай хүдэлмэрилэгшэд ойн ажахынуудай гүрэнэй инспекторнуудтай болон оперативна бүлэгүүдтэй хамта уһанай шубуудые тооложо эхилээ. Энэ ажал зунай дүүрэхэдэ, жэл бүри ябуулагдадаг.

- Зунай дүүрэхэдэ, дальбараанууд томо боложо, бэеэ даанги, һүргэг бэшэ боложо, уһан дээрэ тамаржа эхилдэг, ниидэжэ һурадаг. Энэл сагта уһанай шубууд тоологдожо эхилдэг. Ажал, нобшо, ехэ. Уһа голнуудай, нуурнууд шэнжэлэгдэжэ, ушарһан шубууд, тэдэнэй янза, тоо элирүүлэгдэдэг, - гэжэ дархан газарай хүдэлмэрилэгшэд хэлэнэ.

Уһанай шубуудай тоо элирүүлхэ, тэдэнэй хэр олон болоһониие хинаха  талаар энэ ябуулагдадаг юм. Байгша ондо уһанай шубууд үнгэрһэн жэлдэ орходоо, олон байна гээд тэмдэглэлтэй.