​Буряадай Үндэһэтэнэй музей Яхадай музейтэй суг ажал ябуулха тухай хэлсээ баталба

Сентябриин 5-да Зүүн зүгэй эдэй засагай хуралдаанай хэмжээндэ Буряад Уласай Үндэһэтэнэй музей болон Саха (Яхад) Уласай Үндэһэтэнэй уран һайханай музей соёл болон уралигай һалбарида суг ажал ябуулха тухай хэлсээ баталаа. Тус дансада Буряадай Үндэһэтэнэй музейн захирал Татьяна Бороноева болон Саха (Яхад) Уласай Үндэһэтэнэй уран һайханай музейн юрэнхы захирал Влада Тимофеева хоёр гараа табиһан байна.

Тиигэжэ хоёр можонууудай музейнүүд үзэсхэлэн, эрдэмэй хуралдаан, семинар, дүй дүршэлтэй болохо талаар һуралсал үнгэргэжэ, эрдэмэй хэблэлнүүдые андалдаха талаар ажал ябуулагдаха.