​Буряадай Бэшүүрэй аймагта түрүүшын скалодром нээгдэбэ

Буряад Уласай Бэшүүрэй аймагта үхибүүдэй сэнгэжэ наадаха, бэеэ һорихо түрүүшын скалодром нээгдэбэ. Уласай мүрысөөндэ "Территория творчества" гэһэн ТОС түрүүлжэ, иимэ барилга ябуулагдаа.

Скалодром барилгада 60 мянган түхэриг һомологдоһон байна. Хүүгэдэй уран бэлигэй байшанай дэбисхэртэ тусхай тоног хэрэгсэл тодхогдоо. Тиигэжэ Бэшүүрэй аймагай эдиршүүл бэеэ һорихо, сүлөө сагаа үнгэргэхэ газартай болобо.

“Юный турист” гэһэн кружок багша, тусхай мэргэжэлтэй һоригшо Сергей Тароев хүтэлбэрилдэг.