361
Агын Буряадай тойрогто Онон голой эрьедэ «Бабжын наадан» гэһэн фестиваль гурбадахияа үнгэрөө. Эрын гурбан нааданда бүхэшүүл хаба шадалаа туршажа, баатарнууд элирээ.
Тон түрүүн энэ хэмжээ ябуулга 2017 ондо Агын аймагай захиргаанай, Будалан, Хүнхэр нютагуудай ажаһуугшадай эдэбхи үүсхэлээр эмхидхэгдэжэ, олоной һонирхол татаһан байна.
Һур харбалга, бүхэ барилдаан болон мори урилдаанда заншалта ёһоор буряад бүхэшүүл мүрысэжэ, эрхимүүд элирүүлэгдээ. Байгша оной хэмжээ ябуулгада 12 баатарнууд хабаадаһан байна. «Бабжын наадан» гэһэн фестивальда абаргын нэрэ зэргэдэ Сагаан Уулын Баир Дашидоржиев хүртөө. Абаргада 100 мянган түхэриг болон дааган барюулагдаа.
Нааданай арсаланай нэрэ зэргэ Хара-Шэбэрэй Балдан Содномовто олгогдоо. Илагшада 50 мянган түхэригэй шан барюулжа, буруу бэлэглээ. Бабжын нааданай заан гэһэн нэрэ зэргэдэ Кусочиин Баир Батомункеув хүртөө. Баатарта 30 мянган түхэриг болон хонин бэлэг барюулагдаа.
Источник: аginskoe.ru
Фото: аginskoe.ru
