​Буряадай Мухар-Шэбэрэй аймагта үбһэ хуряалга үргэлжэлһөөр

Мухар-Шэбэрэй аймагай ажалшад сабшаланда хүдэлжэ байна. Мүнөө жэл баян ургаса болоо гэжэ тэмдэглэнэ. Бүхы аймагаар силос, орооhоо, үбhэн гэхэ мэтэ таригданхай байгаа.

Мухар-Шэбэрэй аймагай Хонхоло нютагай ажалшад тариhан ургамалаа суглуулжа байна. «Искра» гэhэн хүдөө ажахын үйлэдбэрилгэдэ мүнөө жэл шэнэ техникэ абтагданай. Жэшээнь, "MacDon" гэhэн комбайнууд болон "Claas" гэhэн тракторнууд ажалшадта баян ургасаяа түргөөр хуряаха хэрэгтэйнь туhатай.

Сулгарhан силос гүнзэгы нүхэн соо дарагдадаг. Мүнөө жэл баян ургаса ургаа. Бидэ түсэбөө хоёр дахин дүүргээбди, тиимэhээ энэ нөөсэ хоёр жэл соо үхэр малда хүрэхэ гэжэ "Искра" ажахын агроном Николай Мальцев хөөрэнэ. Юуб гэхэдэ, ганса силос тарингүй, мүн лэ үбhэн абтаа, hолоомо абахабди гэжэ хэлэнэ hэн. Мухар-Шэбэрэй аймагай бүхы ажалшад ургасаа суглуулжа байна. Хошуун-Үзүүр нютагта Уула гэhэн үйлэдбэрилгэ 2013 ондо бии болоо. Гомбоевой бүлэ сая гаран түхэриг грант шүүгээд, хоёр трактор абаа. Үнгэрhэн 8 жэл соо сабшалан 100 гектарhаа 1000 хүрэтэр үргэн болоо. Мүнөө шэнэ "К-700" трактораар болон "Кузбасс" шэнэ тарилгын машинаар олон ажал хэгдэнэ. 

Энэ намарта баян ургаса абажа байна. Ганса үбhэн мянган тонно сабшагдаа. Үлээшэ газарhаа үшөө олон үхэр малай хооллохо тэжээл абтаха гэжэ ажалшад тэмдэглэнэ.