358
Байгалай зүүн эрьеһээ зунай туршада волонтёр-экологууд 300 тонноһоо дээшэ бог шорой суглуулаа гэжэ "Новая энергия" гэһэн олониитын эмхиин түлөөлэгшэд дуулгаба.
- Хүнүүдэй дунда амаралгын эгээл мэдээжэ Горячинск, Максимиха, Энхалук һууринуудта болон Байгал шадарай Налимовка һууринуудта зунай сагта бог шорой суглуулха талаар "чемпионадууд" үнгэргэгдөө", - гэжэ олониитын эмхидэ тэмдэглэбэ.
Байгалда амарагшад ехэнхидээ архиин хууха болон шэл амһарта хаяна.
"Үнэтэй архиин шэлнүүд олон. Гэхэтэй хамта, шэрдэгшье, зайн галай пеэшэншье ушараа", - гэжэ волонтёрнууд тодорхойлно.
Буряадай эдэй засагай һалбари хүгжөөлгэдэ аяншалга түрүү шэглэлэй нэгэн. Байгал далай олоной һонирхол татадаг гэжэ мэдээжэ. Пандемиһээ урид жэл бүри 600 мянган бүрилхэлдэ абтаһан аяншалагшад, тиихэдэ "зэрлигээр" ерэжэ амарагшадтай дүн хамта нэгэ сая тухай хүнүүд Байгалда амаржа байгаа гээд тэмдэглэлтэй. Оршон тойрон байгаалидаа, дэлхэйн зэндэмэни Байгалдаа хайша хэрэгээр хандабалнай, хүгжэлтэй байха гээшэ гү?
Фото: пресс-центр эко-марафона "360 минут"
