​Буряад Уласта ТОС-уудые хангалга 10 сая түхэригөөр нэмэхээр түсэблэнэ

ТОС-уудай хангалгые 10 сая түхэригөөр дээшэлүүлхээр түсэблэгдэнэ. Энээн тухай Буряад Уласай Толгойлогшо Алексей Цыденов Улаан-Үдэ хотын байгуулагдаһаар 355 жэлэй ойдо зорюулагдаһан конференцидэ соносхоо.

2021 оной сентябриин 10- да Улаан-Үдэдэ нээгдэһэн конференцидэ засаг зургаануудай ажал ябуулгын асуудалнууд хэлсэгдээ. ТОС-уудай ниигэмэй удха шанартай түсэлнүүдые мүнгөөр хангаха, мүн баһа уласай «Эрхим ТОС» гэһэн урилдаанай шагналай жасые дээшэлүүлхэ тухай Захааминай аймагай Һунгамалнуудай зүблэлэй түрүүлэгшэ Людмила Санжеева дурадхал оруулаа.

- Буряад Уласай Арадай Хуралай намарай сессидэ 2022 ондо ТОС-уудые мүнгөөр хангалга 60-һаа 70 сая түхэриг хүрэтэр дээшэлүүлхэ дурадхал бидэ оруулхабди, - гэжэ Алексей Цыденов харюусаа.