331
Усть-Ордын тойрогой захиргаанай пресс-албанай мэдээсэһээр, Боохоной аймагай Тихоновка һууринда һургуулиин барилга эхилбэ.
Эрхүү можын амбан захирагша Игорь Кобзевой мэдүүлһээр, 2024 ондо 250 үхибүүд тэндэ һуралсалаа эхилхэ юм. Гадна һаяын жэлнүүдтэ можо дотор 19 һургуули, 16 сэсэрлиг бариха түсэб табигдана. “Хүдөө нютагуудай хүгжэлтэ” гэһэн программаар 571,4 сая түхэриг шэнэ һургуулиин барилгада гаргашалагдаха юм. 1961 ондо, аяар 60 жэлэй саана баригдаһан һургуулиин гол байшан, тамирай танхим, дулаасуулдаг хэрэгсэлнүүд аюултай гэжэ бүридхэлдэ нёдондо абтаһан байха юм.
Мүнөө үхибүүд хирпиисээр баригдаһан 1 дабхартай байшанда 2 халаанаар һурана. Эндэ оройдоол 7 кабинет. Харин эдеэлхэ газар, зарим кабинедүүд 40 метрэй зайда байдаг ондоо байшан соо зохёогдонхой. Тэрэнь 1920-ёод онуудта баригдаһан гээд тэмдэглэлтэй.
Фото: pixabay.com
