
Ахамад тухай дурдалгаһаа
Буряадай мэдээжэ уран зохёолшо, олониитын элитэ ажал ябуулагша Ц.Ж.ДАМДИНЖАПОВАЙ түрэһөөр 110 жэлэй ой гүйсэбэ. “Буряад-Монголой үнэн” сониной редактораар, “Правда” сониной сурбалжалагшаар, Буряадай номой хэблэлэй директорээр, республикын соёлой сайдаар, Монгол орондо СССР-эй элшэн сайдуудай тусхай газарта зүбшэлэгшээр хүдэлһэн намтартай.
Мүнөө Цырендоржи Дамдинжаповай «Нүхэд тухай дурдалга” (1977 он) гэһэн номһоо “Аха нүхэр, ахамад хүн” найруулгын шогтой хэһэгүүдые шэлэн толилбобди.
“Диихэ нугаһа буудаа һэм...”
...Гэнтэ һуужа байтараа, Шадаев “Зай болоо, болоо... Хоца Намсараевич, нэжээдые баряад, баряад орхиё», - гээд дурадхаха… Дахяад баһа зугаалха, энеэлдэхэ даа. Нэгэтэ Хоца Намсараев иигэжэ шогтойгоор асууба: «Аполлон Иннокентьевич, Сэлэнгэдэ ши ямархан нугаһа буудаа бэлэйш даа? Тэжээмэл бэшэ һаабза”. “Ямаршье бэшэ, уһанда тамаржа ябаһан диихэ (зэрлиг) нугаһа буудаа һэм. Хэндэ ямар хамаатайб. Харин Сампилов та хоёр Загарайда гүрөөһэ буудаа һэн гүт, али борсогорхон буруу буудажархёо бэшэ һэн гүт?”...
Автор: Галина БАЗАРЖАПОВА-ДАШЕЕВА бэлдэбэ